کراچی: کراچی میں فائیو اسٹار ہوٹل پی سی کی چھت گرنے سے دو افراد جاں بحق اور متعدد زخمی ہو گئے۔ ریڈ زون میں واقع معروف پی سی ہوٹل کا اندرون حصہ گرِ گیا، حادثہ اس وقت پیش آیا جب چھت پر تقریب جاری تھی کہ اس دوران اچانک سے چھت گرگئی۔
ہوٹل انتظامیہ نے فوری طور پر تمام دروازے بند کر کے داخلی اور خارجی راستوں پر سیکورٹی بڑھا کر عام افراد کی آمد و رفت روک دی گئی ہے۔
ریسکیو ذرائع کا کہنا ہے کہ حادثے میں دو افراد جاں بحق ہوئے ہیں جب کہ 2 زخمی ہیں جنہیں سول اسپتال منتقل کر دیا گیا ہے۔ جاں بحق افراد اور زخمیوں کی فوری طور پر شناخت نہیں ہو سکی۔
ہوٹل انتظامیہ نے فوری طور پر تمام ریسٹورنٹس کو بند کر کے وہاں ٹھہرے ہوئے افراد کو کمروں تک محدود رہنے کی ہدایت کی ہے۔
