ریاض: سابق امریکی صدر بل کلنٹن نے اپنے دورہ سعودی عرب کے دوران ولی عہد شہزادہ محمد بن سلمان سے آج ریاض میں ان کے دفتر میں ملاقات کی۔ دونوں رہ نماؤں کے درمیان ہونے والی ملاقات میں باہمی دلچسپی کے امور پر تبادلہ خیال کیا گیا۔
کلنٹن نے ایک ایسے وقت میں سعودی عرب کا دورہ کیا ہے جہاں مشرق وسطیٰ کے امور کے لیے پہلے امریکی ایلچی سٹیو وٹ کوف سعودی عرب کا دورہ کر رہے ہیں۔ صدر کی انتظامیہ کی جانب سے اپنے غیر ملکی دوروں کے پہلے پڑاؤ کے طور پر ریاض کو منتخب کرنے کے حوالے سے یہ دورہ اہمیت کا حامل قرار دیا جا رہا ہے۔ امریکی ایلچی کا دورہ سعودی عرب اس بات کا ثبوت ہے کہ نئی امریکی انتظامیہ خطے اور دنیا کی سلامتی اور معیشت کو بڑھانے کے لیے ایک بنیادی ستون کے طور پر دوطرفہ تعلقات کو مضبوط بنانے کی خواہش مند ہے۔ امریکہ خطے کے استحکام، سیاسی، سکیورٹی اور اقتصادی طور پر مملکت کو اہمیت دیتا ہے۔
