مظفرآباد: آزاد جموں و کشمیر قانون ساز اسمبلی کے انتخابات کیلئے امیدواروں کے چناؤ کا معاملہ۔
پاکستان تحریک انصاف نے جماعتی ٹکٹ کے امیدواروں کے انٹرویوز کا طے شدہ شیڈیول منسوخ کردیا۔ سیکرٹری پاکستان تحریک انصاف الیکشن کمیشن کرنل (ر) امان اللہ خان نے باضابطہ اعلان کردیا ہے۔
سیکرٹری تحریک انصاف الیکشن کمیشن نے کورونا وباء کا سہارا لیتے ہوئے کہا کہ آزاد کشمیر انتخابات کیلئے امیدواروں کے چناؤ کا عمل فی الحال روک رہے ہیں۔ انٹرویوز شیڈیول کی منسوخی کا فیصلہ وباء کی تیسری لہر میں شدت کے پیشِ نظر کیا گیا ہے۔ تحریک انصاف کا پارلیمانی بورڈ موزوں وقت پر ازسرِ نو انٹرویوز شیڈیول کا اعلان کرے گا اور وباء کی صورتحال میں بہتری کے ساتھ ہی امیدواروں کے انتخاب کا عمل آگے بڑھائیں گے۔
