اسلام آباد (رپورٹ: ایم جے کے) پاکستان کے صحافیوں کی سب سے بڑی نمائندہ تنظیم پی ایف یو جے کے انتخابات نیشنل پریس کلب اسلام آباد میں منعقد ہوئے، 3 روزہ بی ڈی ایم کے تیسرے دن انتخابات میں بلامقابلہ منتخب ہونے والوں کا اعلان کیا گیا، جن میں افضل بٹ صدر، ارشد انصاری سیکریٹری جنرل اور سعید جان (لالا اسد پٹھان) سیکریٹری فنانس منتخب ہوئے۔
پی ایف یو جے کی الیکشن کمیٹی کے چیئرمین اقبال جعفری نے نیشنل پریس کلب میں انتخابات میں کامیاب اُمیدواروں کے اعلان کیا، الیکشن کمیٹی کی جانب سے کامیاب اُمیدواروں کے جاری کردہ رزلٹ کے مطابق نائب صدور کی 4 نشستوں پر سندھ کی نشست پر حیدرآباد یونین آف جرنلسٹس کے خالد کھوکھر، بلوچستان کی نشست پر بلوچستان یونین آف جرنلسٹس کے عیسی ترین، پنجاب کی نشست پر گجرانوالہ یونین آف جرنلسٹس کے حبیب الرحمان اور کے پی کے کی نشست پر خیبر یونین آف جرنلسٹس کے ناصر حسین کامیاب قرار پائے۔
اسسٹنٹ سیکریٹری کی چار نشستوں پر سندھ سے کراچی یونین آف جرنلسٹس کے جاوید اصغر چوہدری، بلوچستان کی نشست پر بلوچستان یونین آف جرنلسٹس کے نورالاہی بگٹی پنجاب کی نشست پر ملتان یونین آف جرنلسٹس کے جمشید رضوانی اور کے پی کے کی نشست پر ایبٹ آباد یونین آف جرنلسٹس کے محمد شاہد چوہدری کامیاب ہوئے۔
اس کے علاوہ پاکستان فیڈرل یونین آف جرنلسٹس کی فیڈرل ایگزیکٹو کمیٹی کے 25 نشستوں پر ناصر زیدی، مظہر عباس، شہزادہ ذوالفقار، سلیم شہزاد، لالا رحمان، خورشید عباسی، ایوب جان سرہندی، میڈم فوزیہ شاہد، امتیاز خان فاران، انور رضا، علی رضا علوی، محمد اقبال ملاح، نصراللہ وسیر، ندیم جاوید، ہارون خالد، عامر شھزاد، میاں صبیح الرحمان، شفیق خان، شفیق خان پسوری، عامر سجاد سید، اعجاز مقبول، مخدوم احمد بلال، احسان الحق، رؤف مان، قدیر سکندر، عمیر یاسر منتخب ہوئے، الیکشن کمیٹی کے مطابق پاکستان فیڈرل یونین آف جرنلسٹس کے انتخابات میں ملک بھر سے 260 سے زائد اُمیدواروں نے کاغذات نامزدگی جمع کروائے، پی ایف یو جے کے انتخابات میں تمام منتخب ہونے والے امیدوار بلا مقابلہ منتخب ہوئے۔
