وزیراعلیٰ پنجاب سردار عثمان بزدار نے ثقافتی تنوع کے عالمی دن پر خصوصی پیغام میں کہا ہے کہ ہر ثقافت کی رنگا رنگی ہی خوبصورت اور دلکشی کا باعث ہے۔ سماجی ارتقاء کیلئے ثقافتی تنوع بے حد اہمیت کا حامل ہے اور ثقافتی تنوع کا عالمی دن منانے کا مقصد عوام میں اور شعور بیدار کرنا ہے۔ پنجاب ثقافتی تنوع سے مالا مال دھرتی ہے اور پنجاب کے ہر خطے کا لسانی اور ثقافتی ورثہ منفرد حیثیت رکھتا ہے۔ ترقی اوربہتری کیلئے ثقافتی تنوع کی ضرورت سے انکار نہیں کیا جا سکتا۔
