اسلام آباد: ترجمان پاک بحریہ کے مطابق پاک بحریہ کی جانب سے آزاد کشمیر کے مختلف علاقوں بشمول چلہ بانڈی، چِکار اور کنڈل شاھی میں میڈیکل کیمپس کا انعقاد کیا گیا۔
میڈیکل کیمپس میں ملحقہ علاقوں میں رہنے والے ہزاروں مریضوں کو مفت طبی معائنے، سرجری اور ادویات کی سہولیات فراہم کی گئیں۔ میڈیکل کیمپس کے انعقاد کا مقصد کشمیری عوام کو مختلف بیماریوں کی وجوہات، احتیاطی تدابیر اور بچاؤ کے متعلق آگہی دینا تھا۔ میڈیکل کیمپس میں دیگر مہلک امراض خصوصا کرونا وائرس سے بچاؤ کے متعلق آگہی بھی دی گئی۔ کشمیری عوام نے پاک بحریہ کی جانب سے میڈیکل کیمپس کے انعقاد اور انسانی ہمدردی کے جذبے کو سراہا۔ پاک بحریہ مختلف مواقع پر مسٸلہ کشمیر کو اجاگر کرنے کے ساتھ ساتھ کشمیری بھاٸیوں کی فلاح و بہبود کیلٸے بھی سرگرم ہے۔
