اسلام آباد: پیپلز پارٹی کی رہنما سینیٹر شیری رحمان نے پی آئی اے مرکزی دفتر کراچی سے اسلام آباد منتقل کرنے کرنے مذمت کرتے ہوئے کہا کہ پیپلز پارٹی کی حکومتی اقدام کی شدید مذمت کرتی ہے۔
وفاقی حکومت پی آئی اے کا مرکزی دفتر کراچی سے اسلام منتقل کر رہی ہے۔ حکومت نے گزشتہ سال کمیٹی کو یقین دلایا تھا کہ ایسا کوئی فیصلہ نہیں کیا گیا۔ پی آئی اے کا مرکزی دفتر کراچی سے اسلام آباد منتقل کرنے کے لئے پارلیمان کی منظوری درکار ہوگی۔ پارلیمانی منظوری کے بغیر مرکزی دفتر کی منتقلی غیر قانونی اور غیر آئینی ہوگی۔
مرکزی آفس کی منتقلی وزیر اعظم یا سی ای او کی مرضی سے نہیں پارلیمان کی مرضی سے ہوگی۔ حکومت پی آئی اے ملازمین کی تعداد کو کم کر کے محکمے ٹھیکے پر دینا چاہتی ہے۔
حکومت ہر ادارے کو اپنی ذاتی ملکیت نہ سمجھے اور پہلے ہی غلط بیانات دے کر پی آئی اے کو تباہی کے کنارے پر لایا گیا ہے۔
نااہل حکومت کے پاس ملکی ادارے چلانے کی کوئی پالیسی نہیں۔ ملازمین کو دبائو ڈال کر رضاکارانہ علیحدگی اسکیم کے تحت نوکری سے نکالنا جا رہا ہے۔ حکومت کے اقدامات غیر جمہوری اور غیر قانونی ہیں۔
پیپلز پارٹی ملازمین کے حقوق کا تحفظ کرے گی۔ حکومت اپنے غیر قانونی اور آمرانہ فیصلوں پر نظرثانی کرے۔
