اسلام آباد: تھانہ رمنا کی حدود میں اسلامک یونیورسٹی کی طالبہ کو نجی ہاسٹل میں گولی مارکرقتل کردیا گیا۔ تھانہ رمنا پولیس نے مقدمہ درج کرکے تحقیقات شروع کر دیں۔
گزشتہ روز 12 بجے کے بعد نامعلوم نوجوان ہاسٹل میں داخل ہوا، میری بہن کمرے سے باہر آئی تو نامعلوم ملزم زبردستی کمرے میں داخل ہو گیا، ملزم نے سب کو خاموش رہنے کا کہا اور میری بہن کو گولی مار دی۔ 22 سالہ طالبہ کو تین رومیٹس کی موجودگی میں گولی مار کر قتل کیا گیا۔
