کراچی: ترجمان سندھ حکومت سیدہ تحسین عابدی نے کہا ہے کہ خواتین کے حقوق کا تحفظ اور ان کی ترقی سندھ کی صوبائی حکومت کی اولین ترجیح ہے۔ شہید محترمہ بینظیر بھٹو کی خواتین کی سربلندی کے لیے جدوجہد ہماری رہنمائی کرتی رہے گی۔
یہ بات انہوں نے عالمی یوم خواتین کے موقع پر اپنے ایک خصوصی بیان میں کہنا تھا کہ پاکستان پیپلز پارٹی نے ہمیشہ خواتین کو بااختیار بنانے کے لیے عملی اقدامات کیے ہیں۔ بی بی آصفہ بھٹو زرداری خواتین کی ترقی اور ان کے حقوق کے لیے سرگرم عمل ہیں، پاکستان پیپلزپارٹی شعبہ خواتین کی مرکزی صدر فریال تالپور خواتین کے مسائل کے حل کے لیے مؤثر کردار ادا کر رہی ہیں۔ ان کا مزید کہنا تھا کہ پاکستان کی ترقی خواتین کی ترقی کے بغیر ممکن نہیں۔
