کراچی: سیف کراچی کے نام پر اپنی بد اعمالیوں کی پردہ پوشی کی ضرورت کے الیکٹرک کو کیوں پیش آئی؟۔ کراچی والوں سے اوور بلنگ بجلی چوری دیگر مفروضوں کی بنیاد پر لوٹ مار کرنے والی کے الیکٹرک کو کراچی کا خیال کیونکر آگیا؟۔
متاثرین کے الیکٹرک کی دہائی کا کہنا ہے کہ سیف کراچی کے نام پر سیاسی طرز کا اجتماع مختلف عوامی حلقوں کی کے الیکٹرک کی لوٹ مار کے خلاف مزاحمتی تحریک اور عوامی آواز دبانے کا حربہ ہے۔ کے الیکٹرک سیف کراچی کی آڑ میں اب کراچی والوں کے خلاف لوٹ مار کا نیا ہتھکنڈہ اور حربہ آزمائے گی۔
کے الیکٹرک کی سیف کراچی سیمینار کی آڑ میں کچھ حلقوں کی حمایت حاصل کرنے مقصد کراچی کے مکینوں پر شکنجہ کسنے کی جانب ایک اور قدم ہے۔ سیف کراچی کے لئے بے تاب کے الیکٹرک کراچی کے غریب گھرانوں کی معاشی حق تلفی پر کبھی نادم کیوں نہیں ہوئی؟۔
سیف کراچی کے نام پر کے الیکٹرک کی اجارہ داری اور اسے پنجے گاڑھنے کا موقع دینے والے اپنی عوام دشمن پالیسیوں سے تائب نہ ہوئے تو عوام دشمنی ان کی پہچان بنے گی۔
