کراچی: شہر کراچی میں ڈاکو آزاد، شہر بھر میں ڈاکو راج قائم اور شہر ڈاکوؤں کے ہاتھوں یرغمال ہے۔ کراچی شہر میں یومیہ 239 وارداتیں ہورہی ہیں اور سال 2022 میں مجموعی طور پر 85 ہزار 948 وارداتیں ہوئیں جبکہ کراچی پولیس افسران ٹک ٹاک پر وڈیو بنانے میں مصروف ہے۔
ٹک ٹاک پولیس اہلکار ہی نہیں اب پولیس افسر بھی ٹک ٹاک کے دیوانے بن گئے اور قائدآباد تھانے میں تعینات اے ایس آئی نیک زادہ کی ٹک ٹاک ویڈیو منظر عام پر آگئی۔ وڈیو میں دوران ڈیوٹی پولیس آفیسر ٹاک ٹاک بنانے میں مصروف ہے۔
دی پاکستان اُردو نے وڈیو کی تصدیق کیلئے ترجمان کراچی پولیس شازیہ جہاں سے واٹس ایپ پر سوال پوچھا تاہم انہوں نے موقف دینے سے گریز کیا اور جواب نہیں دیا۔
آئی جی سندھ نے تین اہلکاروں کو معطل کردیا تاہم شہریوں نے آئی جی سندھ سے ٹک ٹاک بنانے والے اے ایس آئی کے خلاف بھی سخت کارروائی کا مطالبہ کیا ہے۔
