اسلام آباد: ترجمان پی اے اے کے مطابق اسلام آباد میں پاکستان ائیرپورٹس اتھارٹی (پی اے اے) کی 25 منزلہ جدید ہیڈکوارٹرز عمارت کی منظوری دے دی گئی۔ سی ڈی اے نے پی اے اے کی ہیڈکوارٹرز عمارت کے لیے نیسپاک کے ڈیزائن کی منظوری دی۔
ہیڈکوارٹرز 12 لاکھ 40 ہزار 990 مربع فٹ پر مشتمل ہوگا، جس میں چھ بیسمنٹ پارکنگ شامل ہوں گی۔ گراؤنڈ سے چھت تک بلند مرکزی ایٹریم عمارت کے حسن میں اضافہ کرے گا۔ خم دار ڈیزائن، ڈبل گلیزڈ کرٹن وال اور سبز صحن پائیداری کو یقینی بنائیں گے۔
