کراچی: تھانہ شاہ لطیف کی حدود میں بیگ سے لاش برآمد ہونے والے اندھے قتل کیس میں اہم پیش رفت پولیس نے قتل کی واردات میں ملوث خاتون سمیت دو ملزمان کو گرفتار کرلیا۔
تھانہ شاہ لطیف کی حدود میں چند روز قبل کچرا کنڈی کے قریب بیگ سے ملنے والی مقتول آصف علج کی لاش کے اندھے قتل کیس میں اہم پیش رفت ہوئی ہے۔پولیس نے تکنیکی بنیادوں پر کاروائی کرتے ہوئے خاتون سمیت دو مرکزی ملزمان کو گرفتار کرلیا ايس ايڇ او شاه لطيف نے بتایا کہ گرفتار ملزمان کی شناخت علیزہ عرف کنول بتول اور مولا بخش کے نام سے ہوئی ہے۔
مقتول، آصف علی ملزمہ علیزہ کا قریبی دوست تھا، جسے علیزہ نے اپنے دوسرے دوست مولا بخش کے ساتھ مل کر جان سے مارنے کی منصوبہ بندی کی۔
دونوں ملزمان نے مقتول آصف کو گھر میں بلایا، جہاں سر پر بھاری ہتھوڑے سے وار کر کے بے رحمی سے قتل کردیا قتل کے بعد لاش کو بیگ میں بند کیا گیا اور رات کی تاریکی میں کچرے کے ڈھیر کے قریب پھینک کر دونوں ملزمان موقع سے فرار ہوگئے۔
شاہ لطیف پولیس نے دیگر شواہد کی بنیاد پر ملزمان کو ٹریس کرتے ہوئے کامیاب کارروائی کے دوران انہیں گرفتار کرلیا۔ دوران تفتیش ملزمہ علیزہ نے منصوبہ بندی اور قتل میں ملوث ہونے کا اعتراف بھی کیا۔
دونوں ملزمان نے دوران تفتیش مزید انکشاف کیا کہ مقتول سے ان کے ذاتی معاملات پر تنازع چل رہا تھا، جس کے باعث دونوں نے اسے راستے سے ہٹانے کا فیصلہ کیا۔ پولیس نے واردات میں استعمال ہونے والا تیز دھار آلہ اور دیگر شواہد بھی برآمد کرلیے ہیں۔ پولیس نے دونوں ملزمان کو گرفتار کر کے مزید کاروائی کیلئے تفریشی احکام کے حوالے کردی۔
