کراچی(رپورٹ: ایم جے کے) نادرن بائی پاس مویشی دوست منڈی میں ایشیا کی کنگ کی انٹری، ایشیا کی کنگ کے مالک کا کہنا ہے کہ پورا سال اسے ہم نے نازوں سے پالا ہے اور بادام، دودھ اور دیسی گھی کھلایا پلایا ہے، اس کا وزن 50 من سے اوپر ہے اور قیمت دو کروڑ ہے۔
ایشیاء کی سب سے بڑی مویشی منڈی میں سب سے بڑا جانور آگیا، پچاس من وزنی خان پور سے آنے والے ایشیاء کنگ کی دھوم مچ گئی، کھانے پینے میں بادام، دودھ اور دیسی گھی ایشیاء کے کنگ کی من پسند خوراک ہے، پچاس من وزنی، چھ فٹ قد، دس فٹ چوڑا ایشیاء کنگ ساہیوال اور چولستان کا کراس بتایا جاتا ہے، خان پور کے بیوپاری نے 50 من وزنی ڈارک گرے وائٹ کلر کےایشیاء کنگ کی قیمت 2 کروڑ روپے لگادی ہے، ایشیاء کا کنگ ایشیاء کی سب سے بڑی مویشی دوست منڈی کراجی میں عوام کی توجہ کا مرکز بنا ہوا ہے۔
دوسری جانب کراچی نادرن بائی پاس مویشی دوست منڈی میں کراچی کے شپاٹر بھی پہنچ گئے بڑوں اور بچوں کے ہمراہ فیملز نے بھی مویشی دوست منڈی کا رخ کرلیا، گلشن اقبال، نیوکراچی، گلشن معمار، عزیزآباد کے رہائشی اور لاہور کی فیملی بھی مویشی منڈی پہنچ گئی۔
مویشی دوست منڈی میں شہری کا کہنا ہے کہ ابھی تو مویشی منڈی گھوم رہے ہیں آخر میں جانور لےکر جائیں گے، ایک اور شہری کا کہنا تھا کہ دوستوں کے ساتھ آئے ہیں رینج جھ لاکھ روپے ہے اور مویشی منڈی بہت اچھی ہے عید سے پہلے جانور خرید کر لے جائیں گے۔
