ملتان: بستی ملوک میں شقی القلب باپ نے بیٹی اور اس کے 3 بچوں کو قتل کر دیا۔ بستی ملوک 14 فیض میں اپنی بیٹی نواسی اور دو نواسوں کو قتل کرنے والا سفاک ملزم وارث گرفتار کرلیا گیا۔
ملتان پولیس کے مطابق ملزم نے بیٹی کے گھر میں کلہاڑی سے بیٹی، 2 نواسوں اور ایک نواسی کو قتل کیا، ملزم کو موقع سے گرفتار کر لیا گیا ہے جبکہ مقتولین کی لاشیں پوسٹ مارٹم کے لیے ہسپتال منتقل کر دی گئی ہیں۔
پولیس کا کہنا ہے کہ زمین اور رشتے کےتنازع پر باپ نے بیٹی اور نواسی نواسوں کو قتل کیا ہے، جاں بحق ہونے والے بچوں کی عمریں 2 ماہ سے 3 سال کے درمیان ہیں۔
