لندن: تاریخ ساز شخصیت برطانیہ کی ملکہ ایلزبتھ 96 برس کی عمر میں انتقال کرگئین۔ 2 جون 1953 کو الزبتھ کے سر پر ملکہ برطانیہ کا تاج سجایا گیا تھا۔
شاہی محل بکنگھم پیلس نے ملکہ برطانیہ کے انتقال کا اعلان کردیا ہے۔ برطانوی حکومت نے ملکہ برطانیہ کے انتقال پر دس روزہ سوگ کا اعلان کیا ہے۔
ملکہ کی تدفین لندن برج آپریشن کے منصوبے کے تحت سر انجام پائے گی، ملکہ کے تابوت کو شاہی ٹرین پر سینٹ پینکراس ریلوے اسٹیشن لندن منتقل کیا جائے گا اور پھر ریلوے اسٹیشن سے تابوت بکنگھم پیلس لایا جائے گا۔
ملکہ کی آخری رسومات دس روز بعد ویسٹ منسٹرا بے پر ادا کی جائیں گی اور ملکہ کی آخری رسومات کے وقت دو منٹ خاموشی اختیار کی جائے گی اور پھر ملکہ کو کنگ جارج ششم میموریل چیپل ونڈزر میں سپرد خاک کیا جائے گا۔
ملکہ کی آخری رسومات کے روز قومی تعطیل ہوگی۔ ملکہ کو سپرد خا ک کٸے جانے کے دن لندن اسٹاک، بینک اور تمام اہم ادارے بند رہیں گے۔
