کمانڈر آذرباٸیجان نیول فورسز ریٸر ایڈمرل کی نیول ہیڈ کوارٹر آمد

0
65

اسلام آباد: ترجمان پاک بحریہ کے مطابق کمانڈر آذرباٸیجان نیول فورسز ریٸر ایڈمرل سبحان بیکروف کی نیول ہیڈ کوارٹرز اسلام آباد آمد۔ نیول ہیڈکوارٹرز آمد پر پاک بحریہ کے سربراہ ایڈمرل محمد امجد خان نیازی نے معزز مہمان کا استقبال کیا۔ معزز مہمان کو روایتی انداز میں گارڈ آف آنر پیش کیا گیا۔

معزز مہمان نے نیول ہیڈ کوارٹرز میں یادگار شہداء پر پھول چڑھائے اور ان کا پرنسپل اسٹاف آفیسرز سے تعارف کرایا گیا۔ کمانڈر آذرباٸیجان نیول فورسز نے سربراہ پاک بحریہ سے ملاقات کی۔ ملاقات کے دوران باہمی دلچسپی کے امور اور خطے کی سیکیورٹی صورتحال پر تبادلہ خیال کیا گیا۔

معزز مہمان کو خطے میں امن و استحکام کے حوالے سے پاک بحریہ کے کردار پر بریفنگ بھی دی گئی۔ معزز مہمان نے خطے میں بحری سیکیورٹی اور استحکام کے حوالے سے پاک بحریہ کی کاوشوں کو سراہا۔ کمانڈر آذرباٸیجان نیول فورسز کے اس دورے سے دونوں ممالک بالخصوص بحری افواج کے مابین تعلقات کو مزید فروغ ملے گا۔

جواب چھوڑ دیں

براہ مہربانی اپنی رائے درج کریں!
اپنا نام یہاں درج کریں