ماہ رمضان میں عوام کو ریلیف، وزیراعظم نے اہم ہدایات جاری کردیں

0
26

اسلام آباد: وزیراعظم عمران خان نے ماہ رمضان کے دوران عوام کو سستی اور معیاری اشیائے خورد نوش کی فراہمی کو یقینی بنانے کی ہدایت کردی۔

وزیراعظم عمران خان کی زیر صدارت ترجمانوں اور حکومتی رہنماؤں کا اجلاس ختم ہوگیا جس میں ماہ رمضان میں مہنگائی پر قابو پانے کے حوالے سے اہم اقدامات پر غور کیا گیا۔

اجلاس کے بعد  وزیر داخلہ شیخ رشید نے بتایا کہ وزیراعظم عمران خان نے ماہ رمضان میں عوام کو بھرپور ریلیف دینے کی ہدایت کی ہے۔

وزیراعظم نے کہا کہ عوام کو اشیائے خوردونوش کی سستے داموں فراہمی یقینی بنائی جائے، انہوں نے اجلاس سے خطاب کرتے ہوئے وزیر خزانہ کو ہدایت کی کہ عوام کو سستی اشیاء فراہم کریں۔

شیخ رشید احمد نے بتایا کہ وزیراعظم نے رہنماؤں سے کہا ہے کہ اپوزیشن جماعتوں پر توجہ نہ دی جائے، اب اپوزیشن حکومت کے لیے کوئی خطرہ نہیں ہے، اپوزیشن کو منہ نہ لگایا جائے۔

انہوں نے کہا کہ اجلاس کے دوران متعلقہ افسران کو بھی ہدایت کی گئی کہ چینی، آٹا اور دالوں کی قیمتوں میں کمی کیلئے اقدامات کیے جائیں۔ حکومتی اقدامات اور کارکردگی کو بھرپور طریقےسے اجاگر کیا جائیگا۔

جواب چھوڑ دیں

براہ مہربانی اپنی رائے درج کریں!
اپنا نام یہاں درج کریں