کراچی: شاہ لطیف ٹائون سے سے بین الصوبائی منشیات گروہ کے تین کارندے گرفتار کرلئے گئے۔ ملزمان بلوچستان کے علاقے پشین سے منشیات کراچی لا رہے تھے۔ پولیس نے خفیہ اطلاع پر نیشنل ہائی وے کے قریب کارروائی کی۔
ملزمان دوسرے صوبوں سے منشیات لا کر شہر قائد میں مختلف گروہوں کو سپلائی کرتے تھے۔ گرفتار ملزمان سے 120 کلو سے زائد فائن کوالٹی کی چرس اور موبائل فونز برآمد ہوئے ہیں۔ گرفتار ملزمان سے برآمد چرس شہر کے مختلف علاقوں میں موجود منشیات کے خریداروں تک پہنچائی جانی تھی۔ گرفتار ملزمان کیخلاف مقدمہ درج کر لیا گیا ہے۔
گرفتار ملزمان سے برآمد موبائل فونز کا سائینسی تجزیہ کروایا جائیگا۔ گرفتار ملزمان میں نظر محمد، شیراللہ اور خالد فاروق شامل ہیں اور گرفتار ملزمان سے مزید تفتیش جاری ہے۔ ملزمان کے دیگر ساتھیوں کی گرفتاری کو یقینی بنانے کیلئے اقدامات کئے جا رہے ہیں۔
