سانگھڑ: سندھ میں صحافیوں پر قتل عام جاری ہے جبکہ کراچی کے نوجوان صحافی خاور حسین کی گاڑی سے گولی لگی لاش برآمد ہوئی ہے، ان کی لاش حیدرآباد روڈ سانگھڑ کے ہوٹل کے سامنے سے ملی۔پولیس موقع پر پہنچی اور ان کی موت سے متعلق تحقیقات کی جارہی ہیں۔
ریسکیو حکام نے لاش سے متعلق ابتدائی تفصیلات بتاتے ہوئے کہا کہ صحافی خاورحسین کے ہاتھ میں پستول بھی موجود ہے۔
وزیر داخلہ سندھ کی جانب سے واقعے پر افسوس کا اظہار کیا گیا ہے، انھوں نے بتایا کہ آئی جی سندھ کی جانب سے احکامات دیے گئے ہیں کہ ایس پی سانگھڑ اس واقعے کی انکوائری کریں۔
وزیر داخلہ سندھ نے کہا کہ سینئرصحافی کی لاش ملنےکی جامع انکوائری رپورٹ ارسال کریں، خاورحسین کی شعبہ صحافت میں خدمات ناقابل فراموش ہیں۔
وزیراعلیٰ سندھ سید مراد علی شاہ نے بھی آئی جی پولیس سے رپورٹ طلب کرلی وزیراعلٰی نے آئی جی پولیس کو پولیس کے بہترین افسر کو تفتیش سونپنے کی ہدایت کی ہے۔
مراد علی شاہ نے کہا کہ تحقیقات کرکے موت کی اصل وجہ کا پتہ لگایا جائے، وزیراعلیٰ سندھ کی جانب سے لواحقین کیلئے صبر جمیل کی دعا کی گئی اور انتظامیہ کو تعاون کی ہدایت کی گئی ہے۔
