جدہ (ش ن ) حکومتِ پاکستان اور اوورسیز پاکستانیز فاؤنڈیشن کی جانب سے پہلا اوورسیز پاکستانیز کنونشن آج 13 تا 15 اپریل 2025 کو اسلام آباد میں منعقد ہو رہا ہے۔
کنونشن میں پاکستان انوسٹرز فورم سعودی عرب کے صدر چوہدری شفقت محمود، نائب صدر فضل میمن، جنرل سیکرٹری سردار وقاص عنایت، فنانس سیکرٹری علی خورشید، انوسٹرز فیصل طاہر، فضل ریاض شیخ شرکت کیلیے اسلام آباد روانہ ہوگئے، شرکت کے لئے آنے والے اوورسیز پاکستانیوں کو ریاستی مہمان کا درجہ دیا جائے گا، ذرائع نے بتایا ہے کہ ہوائی اڈہ پر ان کے استقبال کے لئے خصوصی انتظامات کئے گئے ہیں۔
وزیرِاعظم کی خصوصی ہدایت پر یہ تمام انتظامات اس عزم کے ساتھ کئے جا رہے ہیں کہ دنیا بھر میں بسنے والے پاکستانیوں کو یہ احساس دلایا جائے کہ پاکستان ان کا اپنا گھر ہے۔
حکومت کے مطابق یہ کنونشن محض ایک تقریب نہیں، بلکہ ایک قومی عزم کا اظہار ہے کہ پاکستان اپنے بیٹوں اور بیٹیوں کو جو برسوں سے دورِ وطن خدمات سرانجام دے رہے ہیں، کھلے دل سے خوش آمدید کہتا ہے۔
کنونشن کا مقصد اوورسیز پاکستانیوں کو اپنے گھر میں خوش آمدید کہنا، انہیں گلے لگانا، ان کے تحفظات سننا اور ان کی قیمتی تجاویز کی روشنی میں پالیسی سازی کو بہتر بنانا ہے۔
4روزہ کنونشن میں پہلے روز مہمانوں کا استقبال اور لاک ورثہ اور عشائیہ میں شرکت، دوسرے روز جناح کنونشن سینٹرمیں چیئرمین سینٹ افتتاحی تقریب میں شرکت کیلیے آمد اور خطاب ہوگا۔ جبکہ وفود کی تقاریر، ڈرافٹ و حتمی تجاویز پیش کی جائے گی اس کے ساتھ ہی وفود کی سطح پہ سائیڈ لائن میٹنگ بھی ہوگی، جس میں اسٹیٹ بینک، وزارت خارجہ، نادرا، ایف بی آر اور دیگر اداروں کے ساتھ پاکستان میں سرمایہ کاری، تحفظات کو دور کرنے کے موضوعات پہ بات چیت ہوگی، اسی روز دس منٹ کا اک مشاعرہ کا بھی انعقاد کیا جارہا ہے، اس کے بعد پاک فوج کے سربراہ کی جانب سے ڈنر کا اہتمام ہے، چوتھے روز 15 اپریل کو آرمی چیف کنونشن میں شرکت کرینگے جبکہ وزراء، چیئرمین او پی ایف شرکت کرینگے جبکہ آرمی چیف اور وزیراعظم کنونشن سے خطاب فرماینگے، اسی روز وزیراعظم شرکاء کے اعزاز میں عشائیہ دینگے۔
