اسلام آباد: وزیراعظم کے معاونِ خصوصی ہارون اختر خان کی زیر صدارت اسٹیل صنعتکاروں کا اجلاس ہوا۔
اجلاس کے موقع پر ہارون اختر نے کہا کہ پاکستان میں اسٹیل کی صنعت میں بے پناہ صلاحیت ہے، اسٹیل مینوفیکچررز کے مسائل سے بخوبی آگاہ ہوں اور وزیراعظم شہباز شریف ملک کو خوشحال بنانے کیلئے دن رات کوشاں ہیں۔
ہارون اختر نے کہا کہ بیمار صنعتی یونٹس کی بحالی میری اولین ترجیح ہے اور سرمایہ کاروں کے تحفظ اور بنکرپٹکسی قانون پر کام جاری ہے، اسٹیل صنعت کی بحالی وزیراعظم کے وژن کے مطابق کی جائے گی۔
ہارون اختر خان نے اسٹیل صنعت کے مسائل کے حل کی یقین دہانی کراتے ہوئے بجٹ تجاویز میں اسٹیل صنعت کیلئے سفارشات شامل کرنے کی ہدایت دیتے ہوئے کہا کہ حکومت اسٹیل صنعت کے فروغ کیلئے سنجیدہ ہے، اسٹیل مینوفیکچررز کو درپیش چیلنجز کا حل حکومت کی ترجیح ہے۔
